Dim Gobaith Caneri

Druan o'r caneri! Mae colomen yn arwydd o obaith a heddwch. Gall y gog ddod â lwc dda inni yn y gwanwyn. Ond does dim gobaith gan ganeri!
Pam hynny tybed? Wel, mae'n ymadrodd sy'n mynd â ni yn ôl i gyfnod y pyllau glo yng Nghymru, pan oedd caneris yn cael eu cario dan ddaear i brofi a oedd nwy gwenwynig yno ai peidio. Y caneri'n trengi oedd y rhybudd i’r glowyr gilio.
Mae Siân Northey wedi creu pytiau o straeon a sgyrsiau i ddangos defnydd naturiol o'r idiom a cheir yn ogystal gwpled ysgafn gan Myrddin ap Dafydd a chartŵn gan Siôn Morris ar bob tudalen.