Manon Steffan Ros

Fi a Joe Allen

£5.99

Treth yn gynwysedig. Cyfrif cludiant yn y man talu.

Awdur: Manon Steffan Ros

ISBN: 9781784615673
Dyddiad Cyhoeddi: Rhagfyr 2019
Cyhoeddwr: Y Lolfa, Tal-y-bont
Fformat: Clawr Meddal, 184x123 mm, 112 tudalen
Iaith: Cymraeg

Does gan Marc ddim perthynas dda iawn â'i dad, ond mae'r ddau'n mynd efo'i gilydd bob dydd Sadwrn i weld tîm Dinas Bangor. Mae'r bachgen (Marc, ar ôl Mark Hughes) yn datblygu obsesiwn efo Joe Allen, sydd, ym meddwl Marc, yn debyg i'w dad. Mae Marc a'i dad yn mynd ar eu gwyliau cyntaf gyda'i gilydd i Ffrainc i weld Cymru'n chwarae, a dyma lle mae'r ddau yn dod i adnabod ei gilydd yn iawn.

Darparwyd yr isod gan y Cyhoeddwr:

Bywgraffiad Awdur:

Mae Manon Steffan Ros yn awdures doreithiog, wedi cyhoeddi nifer o nofelau i bobl ifainc ac i oedolion, yn gantores, yn ddramodydd, yn awdures lawn-amser, ac yn cyhoeddi colofn wythnosol yn Golwg. Enillodd Wobr Tir na n-Og am ei nofel ddiweddaraf ar gyfer yr oed targed yma, sef Pluen, hefyd Trwy’r Tonnau yn 2010, a Prism yn 2012. Enillodd Wobr y Bobl Llyfr y Flwyddyn 2010 am ei nofel gyntaf ar gyfer oedolion, Fel Aderyn a’r wobr Ffuglen am Blasu yn 2013. Mae’n byw yn Nhywyn gydag Efan a Ger, eu meibion.

Gwybodaeth Bellach:

Nofel arall gan yr awdures boblogaidd, gyda phêl-droed yn ganolog iddi, gan anelu at fechgyn, yn bennaf.
Mae’r gyfrol wedi’i hanelu at ddarllenwyr da diwedd CA2 a Bl. 7-9.

← Dychwelyd i CHWARAEON