Gwenwyn a Gwasgod Felen

Pan adawyd Daniel a'i chwaer Dorothy yn amddifad, roedd pethau'n edrych yn dywyll iawn i'r ddau. Y wyrcws, oedd yr unig ateb i dlodion – lle ofnadwy, lle'r oedd tlodion yr ardal yn gorfod gweithio'n torri cerrrig am eu bwyd. Wedyn mae Daniel yn cael gwaith efo Mr Thomas y fferyllydd yn siop yr Apothecari, ac mae wrth ei fodd.

Ond ynghanol y tabledi, y ffisig a'r jariau o bob lliw a llun, ceir un botel fechan, wenwynig y mae'i chynnwys yn bygwth dyfodol Daniel ...

Dyma nofel wedi ei gosod mewn cyfnod cythryblus yn hanes Cymru – cyfnod o annhegwch cymdeithasol a phŵer enfawr y meistri tir dros eu tenantiaid. Roedd yn gyfnod hefyd pan adawodd miloedd o Gymry eu gwlad i chwilio am fywyd tecach a rhyddid barn.