Dadeni

Daw Ifan Morgan Jones o Waunfawr yng Ngwynedd yn wreiddiol ac mae bellach yn byw ym Mhenrhiw-llan ger Llandysul. Mae'n gyn-enillydd Gwobr Goffa Daniel Owen am Igam Ogam, a hynny yn Eisteddfod Genedlaethol Caerdydd 2008. Yn 2010 cyhoeddodd ei ail nofel, Yr Argraff Gyntaf.

Bu’n Ddirprwy Olygydd ar gylchgrawn Golwg o fis Mai 2006 hyd ddiwedd 2008, ac yn Olygydd gwefan Golwg360 rhwng Ionawr 2009 a Medi 2011. Mae bellach yn ddarlithydd yn adran Astudiaethau Creadigol a’r Cyfryngau Prifysgol Bangor.

Mae gan yr awdur ddawn i ddweud stori dda ac mae’r stori hon yn dechrau fel thriller gan yr awdur Dan Brown wrth i dîm proffesiynol dorri i mewn i Dŵr Llundain. Ond mae’r nofel hon yn perthyn i Gymru. Lleolir hanner ohoni yng Nghaerdydd, ym merw gwleidyddiaeth y Senedd, ond ffantasi soffistigedig yw hi, wedi ei thrwytho yn niwylliant a hanes Cymru.