Cerdded Mewn Cell

Mae Robin Llywelyn hefyd yn rheolwr pentre Eidalaidd Portmeirion. Ei dad-cu oedd y pensaer Syr Clough Williams-Ellis ac mae’r pentref yn adnabyddus am ei gysylltiad â chyfres deledu boblogaidd The Prisoner.
Mae gwaith yr awdur yn destun cyfrol yng nghyfres Llên y Llenor ac yn cael ei astudio mewn ysgolion a cholegau. Mae ei waith wedi ei addasu i Saesneg, Ffrangeg ac Eidaleg.

‘Awdur digamsyniol ei ddawn a rhyfeddol ei gamp’ yn ôl un beirniad. Fel y disgwylid gan yr awdur, mae’r storïau yn fywiog, yn wreiddiol, yn ogleisiol, yn ffraeth, yn llawn o'r annisgwyl, yn dyner ac yn drist.

Mae'r awdur wedi ennill gwobrau niferus, gan gynnwys y Fedal Ryddiaith ddwywaith am Seren Wen ar Gefndir Gwyn (1992) ac O'r Harbwr Gwag i'r Cefnfor Gwyn (1994). Enillodd Seren Wen wobr Llyfr y Flwyddyn yn 1993 ac fe enillodd Robin wobr Awdur y Flwyddyn y BBC yn 1994. Enillodd wobr Daniel Owen yr Eisteddfod Genedlaethol am y nofel Un Diwrnod yn yr Eisteddfod yn 2004.