Ar Flaen fy Nhafod - Casgliad o Ymadroddion Cymraeg

Daw D. Geraint Lewis o Ynys-y-bwl yn wreiddiol, ac mae’n byw yng Ngheredigion. Mae’n awdur dros ddau ddwsin o lyfrau sy’n cwmpasu amrywiaeth gyfareddol y Gymraeg: yn eiriaduron, cyfeirlyfrau a chasgliadau cerddoriaeth.

Yn y gyfrol hon mae D. Geraint Lewis yn corlannu casgliad o ymadroddion amrywiol a difyr yn yr iaith Gymraeg ac yn mynd ar drywydd yr ymadrodd ‘pert’ yn ei arddull ddihafal ei hun. Daw’r ymadroddion o bob cwr o fywyd Cymru, ac o bob ardal hefyd. Mae tarddiad a chyd-destun yn ychwanegu at gyfanrwydd y darlun, ac mae mynegai Saesneg i wneud y gyfrol yn ddefnyddiol i ddysgwyr ac addysgwyr fel ei gilydd. Nid cyfeirlyfr mo’r gyfrol ond taith ansbaradigaethus o gwmpas yr iaith a’i nodweddion unigryw a rhyfeddol. Mwynhewch y wibdaith.