Cyfres Amdani: Y Fawr a'r Fach - Straeon o'r Rhondda

Mae Sion yn wyneb cyfarwydd ar S4C yn y gyfres Cynefin sy’n cael ei darlledu ar hyn o bryd, a dwy gyfres o Pobol y Rhondda. Mae’n angerddol am ei ardal ac yn byw yno gyda’i bartner a’u merch fach, Eira.

Bydd lluniau gwych du a gwyn gan Sion yn cyd-fynd â phob stori.
Mae’r prosiect, sy’n cyhoeddi llyfrau darllen hamdden i ddysgwyr, yn cael ei ariannu gan y Cyngor Llyfrau ac mae 4 gwasg yn cyhoeddi 5 llyfr yr un. Dyma gyfle i’r gweisg rannu adnoddau ac arbenigedd er mwyn cael y deunydd gorau posib i oedolion sy’n dysgu Cymraeg.
Mae cydweithio agos hefyd gyda’r Ganolfan Dysgu Cymraeg Genedlaethol, ac mae’r llyfrau’n cydymffurfio gyda’r cwricwlwm newydd.
Mae lefelau llyfrau’r prosiect yn cydymffurfio â lefelau dysgu ail iaith Ewrop.