Cymanfa

• Ganed T. James Jones yng Nghastellnewydd Emlyn ac mae’n byw bellach yng Nghaerdydd.
• Bu’n weinidog gyda’r Annibynwyr, yn ddarlithydd drama yng Ngholeg y Drindod, Caerfyrddin ac yn olygydd sgriptiau ’Pobol y Cwm’ (BBC).
• Coronwyd fel Bardd y Goron yn Eisteddfodau Abergwaun 1986 a Chasnewydd 1988.
• Ef hefyd oedd Enillydd Cadair Eisteddfod Genedlaethol Sir Fflint a’r Cyffiniau 2007.
Mae ef bellach yn ddarlithydd yn Ysgol y Gymraeg, Prifysgol Caerdydd.
• Bu’n Archdderwydd rhwng 2009 a 2013, o dan ei enw barddol, Jim Parc Nest, gan olynu’r diweddar Dic Jones.
• Mae’n briod â’r awdures Manon Rhys.

Rhaglen cymanfa Jim Parc Nest sydd rhwng y cloriau hyn. Cenir mawl i’w anwyliaid – ei deulu, ei gyfeillion a’i arwyr. Clywir hefyd ambell
nodyn beirniadol a hunanfeirniadol. Ceir canu llon a lleddf am ennill, colli, geni a marw, ac am enaid a gwareiddiad, iaith a chenedl yn goroesi.
Cyhoeddir y gyfrol hon o gerddi ar achlysur dathlu pen-blwydd Jim yn bedwar ugain oed, ac y mae ynni ac ysbryd oesol yn perthyn i’r
casgliad yn ogystal ag oes o brofiad.